jólatré og rigning

Í dag var það ógeðslegasta veður sem um getur. 6 stiga hiti og rignin og rok. Þetta var alveg inn að beini. Jakkkk
Tengdó hringi áðan en hún hafði enga sérstaka samúð með okkur þar sem íslendingar eru víst búnir að hafa vægan skerf af þessu upp á síðkastið. Allavega þá var christmasfare í skólanum hjá Daníel í morgun. Þar var verið að seja alskonar drasl sem fólk vildi ekki lengur hafa heima hjá sér. Og luky me, ég eyddi 2 pundum í 10 barnabækur. Svo keypti ég 3 rosa fína bolla. Siggi fékk hjartaáfall. Ásdís, hvað ertu að kaupa svona drasl sem aðrir eru að losa sig vil. En hann viðurkenndi að bollarnir voru sætir. SVo hittu strákarnir jólasveininn. Allir glaðir. Svo var haldið í búðina að kaupa í matinn. Nú er semsagt Siggi að prufukeyra jólamatinn. Hamborgarahryggur með heimagerðu rauðkáli. MMMM. Það var líka keypt jólatré á leiðinni heim. Best að vera tímalega svo að maður fái ekki bara restar eins og einusinni í DK. Ó mæ god. Það var nú meira. Það var pínulítið og ferlega feitt. Maður komst næstum ekki fyrir sjálfur. En við fengum fínt tré sem verður skreytt (komið af skraut) á morgun. Það verður huggulegt að hafa smá jólastemningu hérna heima. Svo á að fara á lífið í kvöld. Eða sko í stelpupartý og Siggi ælta á bar. Drengirnir eru annars upptjúnnaðir af orku þar sem þeir hafa ekkert verið úti í heila viku. En hvar ertu pollýana? Þetta var nú ekki mikið mál þegar ísak velti 2 metra hillu í herberginu sínu eða helti úr smákökuboxinu á gólfið eða flæddi aftur baðherbergisgólfið...elskan mín þetta má ekki.... kisss kisss. Þetta hefði geta verið miklu verra. Held að hún pollýana verði sko bara sett í háttinn ef þetta heldur svona áfram. Enkadóttirinn kláraði prófin í gær og er búin að vera mestmegnis í rúminu í dag. Greyjið.....þreyttur unglingur.
Ef þið hafið tekið eftir þá er ég þvílíkt að vanda mig við stafsetningu og sérstaklega y-lon. Siggi tjáði mér það að þetta sé einskonar fjölskydusyndrom. Það hlítur að vera þó ekki genetiskt því mamma myndi aldrei skrifa vitlaust en þegar pabbi skrifaði Snædís með Y , Snædýs, þá varð mér allri lokið. En við systkinin höfum víst ekki y-lon okkar meginn. Jæja nóg um það. Hér ylmar (y-lon) (er ekki annars y-lon í ylmur? Ilmur? hmmmm) allt af jólum svo best að fara að kíkja á indalasteikina. Lifið í lukku og ekki í krukku.