haustfegurð

Nú er álvöru haust gengið í garð. Laufin fallega gul og rauð fallandi til jarðar. Verður reindar bölvaður óþrifnaður af þessu þegar þetta byrjar að rottna. Verður sleipt eins og bananahíði og felur hundaskít undir sér. Bara til að koma fólki á óvart þegar það rennur til í óþveranum. Mega slepja. En það er sól í heiði og logn. Hitasig um 16 gráður. Gæti ekki verið betra. En haust vírus er að ráðast á alla. Fólk hóstandi með hor og slef. Við öll hérna erum með hálssærindi en engin veikur. Því ekki er maður veikur nema maður sé með 40 gr hita eða blæði. Ekki satt Sigurjón. Daníel er orðin góður á þessu svaða kvef munnangri sem hann fékk í síðustu viku. Og mamman sem er aldrei veik, reindi bara að herða barnið. Hættu þessu væli það er ekkert að þér. Eins og þegar karlinn var með samfallið lunga. En allir eru á lífi og kannski maður fari að taka svona væli meira alvarlega. hmmmm. Á morgun er svo fyrsti dagurinn í kúrsinum. Siggi var að koma heim í morgun frá austuríki og er þvílíkt þreyttur og slappur í hálsinum. Greyjið. Ætli ég sæki hann ekki bara í vinnuna og gefi honum heitt kakó. Og hann hvorki með blóð né hita. Sko,,,,,,þetta getur maður líka. Næ að dekra við hann smá áður en hann fer aftur á sunnudaginn. Meira flakkið á manninum. Annars er ég með Ísak í tröppuleikfimi. Hann er þar nokkuð mikið núna. Þetta er svona óþekktartrappa. Virkar ekkert voða vel enn, en hann lærir þetta að lokum og verður að öllum líkindum orðin voða fitt. Hann er í ormaskapi þessa dagana þar sem hann slær klípur og svo bara frussar hann. Ekkert voða skemmtilegt. Ef þið hafið góð ráð að tækla ormasýkingu þá endilega stígið fram. Nú er bara að reina að leggja hann og sjá hvort þetta verði betra.